កម្លាំងនគរបាលស្រុកឱរ៉ាល់បានរកឃើញអាវុធចំនួន២ដើមរបស់ក្រុមចោរប្លន់
10-July-2016 | ដោយ មែន កំសត់
ខេត្តកំពង់ស្ពឺ ៖ សេចក្តីរាយការណ៍បឋមឱ្យដឹងថា គិតត្រឹមវេលាម៉ោង០៣ និង២៧នាទីរសៀលថ្ងៃទី០៩ កក្កដា ២០១៦ នេះ កម្លាំងនគរបាលស្រុកឱរ៉ាល់ និងការិយាល័យព្រហ្មទណ្ឌកម្រិតធ្ងន់ខេត្តកំពង់ស្ពឺ បានរកឃើញអាវុធចំនួន២ដើម និងបង់គ្រាប់មួយចំនួនទៀតដែលជារបស់ក្រុមចោរប្លន់ ។
បន្ទាប់កម្លាំងបានរុករកគាស់ឃើញក្នុងដីឡូត៍របស់ជនសង្ស័យម្នាក់ ឈ្មោះតឹក សំអុល ជាអតីតយោធាកងរថក្រោះ ដែលមានលំនៅក្នុងភូមិដំបង ឃុំសង្កែសាទប ស្រុកឱរ៉ាល់ខេត្តកំពង់ស្ពឺ ហើយក៏កំពុងតែរត់គេចខ្លួន ខណៈរថយន្តរបស់សមត្ថកិច្ចឈប់ប្តូរកង់រថយន្តត្រង់ចំណុចចន្លោះ គីឡូម៉ែត្រលេខ១៦-១៧ ផ្លូវលេខ៤៤ ក្នុងភូមិអូរនាងហ៊ីង ឃុំតាំងក្រូច ស្រុកសំរោងទង។
បច្ចុប្បន្ន កម្លាំងកំពុងតែបន្តរុករកជនសង្ស័យឈ្មោះតឹក សំអុល នោះ ដែលបានរត់គេចខ្លួន ដោយគិតរហូតមកដល់ម៉ោងនេះ នៅតែរកមិនឃើញជនសង្ស័យរូបនោះដដែល ។
ចំនួនអ្នកទស្សនា
- ថ្ងៃនេះ421
- ម្សិលមិញ12101
- សប្តាហ៍នេះ12531
- ខែនេះ127681
- ឆ្នាំនេះ127681
- សរុប20570137